यस्ता छन् गान्धीका मननीय भनाइहरु

एजेन्सी । भारतमा राष्ट्रपिताको सम्मान पाएका अहिंसावादी नेता महात्मा गान्धीको आज १५० औं जयन्ती भव्यताका साथ मनाइँदैछ ।

गान्धी जयन्तीका अवसरमा भारतीय प्रधानमन्त्री नरेन्द्र मोदी गान्धीको समाधीस्थल पुगी श्रद्धाञ्जली अर्पण गर्नेछन् ।

गान्धी जयन्तीको अवसर पारेर भारतलाई खुल्ला दिशामुक्त राष्ट्र घोषणा गर्ने तयारी भइरहेको छ । सन् २०१४ मा गान्धी जयन्तीको अवसर पारेर प्रधानमन्त्री मोदीले ‘स्वच्छ भारत’ अभियान सुरु गरेका थिए ।

भारतलाई उपनिवेसबाट मुक्त गराउन गान्धीको विशिष्ट योगदान रहेको र त्यसैको सम्मानमा उनलाई भारतमा राष्ट्रपिताको रुपमा सम्मान गरिन्छ । बास्तविक नाम मोहनदास करमचन्द गान्धी भए पनि महात्मा गान्धीकै नामले उनी प्रख्यात भए ।

महात्मा गान्धीका केही मननीय भनाइहरु

– भोली नै मर्नुछ भनेर जिउनुस् र कहिल्यै मर्दिन भन्ने सोचेर सिक्नुस् ।

– डर शरिरको बिमारी हो, यसले आत्मालाई मार्दछ ।

– विश्वास गर्नु एक गुण हो भने अविश्वास दुर्बलताको जननी ।

– जसले समय बचायो उसले धन बचायो । बचाएको धन कमाएको धन बराबर हो ।

– आँखाको बदला आँखाले पूरै विश्वलाई अन्धो बनाइदिन्छ ।

– यदि गल्ती गर्ने स्वतन्त्रता हुँदैन भने स्वतन्त्रताको कुनै मतलब हुँदैन ।

– प्रशन्नता यस्तो चीज हो जसलाई अरुउपर छर्किंदा तपाइँलाई पनि पर्दछ ।

– कसैको पनि पहिचान उसको कपडामा होइन चरित्रमा हुन्छ ।

– तपाई जे गर्नुहुन्छ त्यो काम महत्वपूर्ण हुन सक्छ । तर सबैभन्दा महत्वपूर्ण भनेको केही गर्नु हो ।